[prenta uppsett í dálka] 62. fundur, 127. lþ.
Pétur H. Blöndal (andsvar):
Herra forseti. Ég er með tvær spurningar til hv. þm.
Í fyrsta lagi: Hvaða mál eru ekki byggðamál og mundi slíkt aukaþing sem fjallaði um byggðamál gera eitthvað annað en venjulegt þing Alþingis sem fjallar um alls konar mál í þjóðfélaginu?
Í öðru lagi: Hvar eru opinberir starfsmenn, hvar eru þeir staðsettir og hvernig telur hv. þm. að landsbyggðarmenn líti á vöxt ríkisvaldsins?
Vöxtur ríkisvaldsins hefur aðallega orðið á höfuðborgarsvæðinu og hann hefur skekkt byggðina í landinu þannig að hluti af því að halda aukaþing væri í rauninni að minnka ríkisvaldið, fækka opinberum starfsmönnum.
