[prenta uppsett í dálka] 68. fundur, 127. lþ.
Forseti (Halldór Blöndal):
Borist hefur svohljóðandi bréf:
,,Þar sem ég get ekki af persónulegum ástæðum sótt þingfundi næstu tvær vikur óska ég eftir því með vísan til 2. mgr. 53. gr. þingskapa að 1. varaþm. á lista Samfylkingarinnar í Austurlandskjördæmi, séra Gunnlaugur Stefánsson sóknarprestur, taki sæti mitt á Alþingi á meðan.
Virðingarfyllst,
Einar Már Sigurðarson, 4. þm. Austurl.``
Kjörbréf Gunnlaugs Stefánssonar hefur verið rannsakað. Hann hefur áður tekið sæti á Alþingi og er boðinn velkominn til starfa á ný.
Enn fremur hefur borist svohljóðandi bréf:
,,Þar sem Árni Ragnar Árnason, 11. þm. Reykn., getur ekki sökum veikinda sótt þingfundi á næstunni óska ég eftir því með vísan til 2. mgr. 53. gr. þingskapa að 1. varaþm. á lista Sjálfstfl. í Reykn., Helga Guðrún Jónasdóttir, stjórnmálafræðingur í Kópavogi, taki sæti hans á Alþingi á meðan.
Virðingarfyllst,
Sigríður Anna Þórðardóttir,
formaður þingflokks Sjálfstfl.``
Helga Guðrún Jónasdóttir hefur áður tekið sæti á Alþingi og er boðin velkomin til starfa.
