Mörður Árnason (andsvar):
Herra forseti. Ég skil hvað hv. þm. á við en ég hlýt að vekja athygli hennar og annarra hv. þm. á því að ekkert í frv., hvorki í frumvarpstextanum sjálfum né í greinargerðinni, gæti orðið grundvöllur lögskýringar fyrir sveitarfélag eða eftirlitsaðila til að standa á móti því að matvöruverslun eða bensínstöð eða þess vegna söluturn gæti selt sterkt áfengi að þessu frv. samþykktu, og þess vegna allan sólarhringinn, helgidaga, sunnudaga, á messutímum, knattspyrnuleikjum og hvaðeina.