[prenta uppsett í dálka] 68. fundur, 127. lþ.
Arnbjörg Sveinsdóttir (andsvar):
Hæstv. forseti. Margt skemmtilegt og áhugavert kom fram í máli hv. þm. Össurar Skarphéðinssonar. Eitt væri kannski áhugavert að fá upplýsingar um hjá honum. Hann vill lækka þungaskattinn. Hvernig vill hann fjármagna vegagerð í landinu? Er hann að hugsa um vegagerð á höfuðborgarsvæðinu? Má eitthvað verða útundan sem þar er á áætlun? Margir í hans kjördæmi hafa nú talið að illa væri komið í samgöngumálum. Sér þingmaðurinn eitthvað þar sem mætti slá á frest, hætta við framkvæmdir sem eru fjármagnaðar af þessum þungaskatti? Ég hefði gaman af að heyra skoðun hans á þessu.
