Guðmundur Hallvarðsson (andsvar):
Herra forseti. Það vakti athygli mína að hv. þm. hóf mál sitt á því að segja að ótrúleg sinnaskipti hefðu orðið hjá þingmönnum og að það hefði komið upp í huga hennar hvernig staðið hafi verið að málum í flokkunum.
Ég spyr þess vegna hv. þm. hvort það viðgangist í hennar flokki að þar yrðu höfð alvarleg áhrif á mál með þeim hætti sem hún nefndi. Hér hafa menn skoðað málin á milli þess sem frv. hefur verið flutt. Það eru líklega tvör ár síðan það var flutt síðast. Margt hefur komið fram í þessu máli sem hefur t.d. breytt minni afstöðu. Það var ekki ákveðið í þingflokksherbergi mínu á þingflokksfundi hvernig ég ætti að greiða atkvæði. En kannski gerist það í þingflokki hv. þm. Gott væri að fá svar við því.