[prenta uppsett í dálka] 74. fundur, 127. lþ.
Ögmundur Jónasson (andsvar):
Herra forseti. Ég ætla ekki að eiga frekari orðastað við hv. þm. um skipulag á sjúkrahúsum og elliheimilum. En ég held að það hljóti alltaf að vera afskaplega uppörvandi fyrir starfsfólk sem starfar við þessa þjónustu að heyra þessar yfirlýsingar hv. þm.
Ég spurði hv. þm. um hvaða afstöðu hann mundi taka til Kárahnjúkavirkjunar sem er eða stendur til samkvæmt ósk ríkisstjórnarinnar að reisa á vegum Landsvirkjunar. Hver er hans afstaða, vegna þess að hann er að taka ákvörðun fyrir hönd íslensku þjóðarinnar, í ljósi yfirlýsinga ýmissa hagfræðinga sem til þekkja og fjármálastjóra Landsvirkjunar sem segir að yrði þetta gert á vegum einkafyrirtækis á markaði mundi það ekki bera sig og hann gæti ekki ráðlagt það? Hvernig ætlar hv. þm. að greiða atkvæði fyrir hönd íslensku þjóðarinnar?
