[prenta uppsett í dálka] 74. fundur, 127. lþ.
Guðjón A. Kristjánsson (andsvar):
Herra forseti. Hv. þm. hóf ræðu sína á því að tala um skattamál, mismunandi skattprósentu. Nú vil ég spyrja hv. þm. hvort hann líti svo á að það mundi auka atvinnustarfsemi og uppbyggingu á landsbyggðinni ef skattprósenta fyrirtækja yrði þar önnur en á höfuðborgarsvæðinu.
Ég spyr að þessu vegna þess að hv. þm. flutti tillögu fyrir ekki löngu síðan um að tekjuskattur fyrirtækja á Íslandi skyldi vera 10% til að efla samkeppnisstöðu þeirra gagnvart fyrirtækjum og skattaumhverfi í öðrum löndum. Á ekki hið sama við varðandi fyrirtæki á landsbyggðinni gagnvart höfuðborgarsvæðinu, þegar tekið er tillit til annarra álagna eins og þungaskatts, virðisaukaskatts og annars sem bitnar meira á landsbyggðinni en höfuðborgarsvæðinu?
