Drífa Hjartardóttir:
Herra forseti. Hæstv. ráðherra gat um þáltill. sem liggur fyrir þinginu. 1. flm. er hv. þm. Lára Margrét Ragnarsdóttir og erum við fleiri þingmenn meðflutningsmenn ásamt henni á þessari þáltill.
Það er mjög nauðsynlegt að gerð verði úttekt á þessum málum. Ég heyrði ekki annað en að hæstv. ráðherra væri því samþykkur. Það er mjög óraunhæft að ætla sér að hindra tilkomu nýrra meðferðarúrræða og í framtíðinni ættu að sjálfsögðu mismunandi form lækninga að geta farið saman. Læknar sem stunda hefðbundnar lækningar ættu að geta stundað það sem hér er kallað óhefðbundnar lækningar samhliða hefðbundnum lækningum.