Sigríður Ingvarsdóttir (andsvar):
Herra forseti. Ég er bjartsýn fyrir hönd landsbyggðarinnar. Ég hef fulla trú á henni og því fólki sem þar býr. Það er þegar verið að hlúa að annarri starfsemi á landsbyggðinni eins og hv. þm. Jón Bjarnason veit mætavel. Þar má nefna ferðaþjónustu, sjávarútveginn og fiskeldi, svo eitthvað sé nefnt. Hann veit t.d. um beina flugið frá Evrópu á Egilsstaði sem verður að veruleika á komandi sumri og fleira sem verið er að vinna að fyrir austan. En það er náttúrlega ekki á við heilt álver og atvinnustarfsemi í þeim stærðarflokki sem þar um ræðir.