Flm. (Pétur H. Blöndal) (andsvar):
Herra forseti. Það kemur fram í greinargerðinni að á sínum tíma hafi verið erfitt að manna skipin. Sem liður í ráðstöfunum til að hægt yrði að manna skipin, þar sem vinnan var mjög erfið á síðutogurunum, mikið unnin með höndunum og jafnframt lág laun vegna aflabrests og lélegs afla á þeim tíma, beitti ríkisvaldið þessum aðferðum til að koma þessari atvinnugrein í gang. Það var ekki hluti af kjarasamningum eða samningum við sjómenn, ekki svo ég viti til.