[prenta uppsett í dálka] 82. fundur, 127. lþ.
Drífa Hjartardóttir (andsvar):
Herra forseti. Ég veit ekki betur en verið sé að undirbúa komu Rásar 2 norður í land með endurbótum á öllum tæknibúnaði og flutningum í annað húsnæði.
Hvað varðar Fjórðungssjúkrahúsið á Akureyri er það skoðun mín að þá stofnun eigi að efla, svo sannarlega. Ég tel alveg nauðsynlegt að það sé hátæknisjúkrahús annars staðar en á þessu svæði hér ef neyðarástand skapast á öðrum stöðum.
En ég vil líka sjá eflingu á sjúkrahúsi Suðurlands og eflingu á sjúkrahúsinu í Vestmannaeyjum. Ég tel að þessi sjúkrahús á landsbyggðinni eigi að einbeita sér að þeim aðgerðaverkefnum sem ekki þarf að gera í hátæknisjúkrahúsum. Þar er gott starfslið og má nýta það vel. Svo má ekki gleyma að það er líka sjúkrahús á Suðurnesjunum, svo öllu sé til haga haldið.
