[prenta uppsett í dálka] 82. fundur, 127. lþ.
Einar Oddur Kristjánsson (andsvar):
Herra forseti. Eins og flestir hafa tekið eftir átta ég mig ekki á klukkuganginum hérna þannig að ég var nú ekki kominn að því að ræða þessa góðu þáltill. En ég get alveg upplýst hv. þm. um að ég hafði mjög mikla fyrirvara í þingflokki Sjálfstfl. við þessa þáltill., það er ekkert leyndarmál. Ég hef hins vegar stutt þessa ríkisstjórn af miklu afli og lagt mig allan fram, enda höfum við verið á gæfubraut í flestum tillfellum. Þó hef ég gagnrýnt hana mjög harkalega þegar ég hef talið að hún væri að gera rangt. Ég gagnrýndi mjög peningamálastefnuna í mörg ár og hélt hér margar ræður um það. Ég sé ástæðu til að fagna því nú að núna sé stóra byggðamálið þó komið í höfn, sem er fyrir rétta og frjálsa gengisskráningu, sem er þá grundvöllurinn undir öllu hinu sem við ætlum að byggja, því við munum aldrei efla þessa landsbyggð nema góð afkoma sé í rekstri atvinnufyrirtækjanna.
