[prenta uppsett í dálka] 86. fundur, 127. lþ.
Árni Steinar Jóhannsson (andsvar):
Virðulegi forseti. Ég tók eftir því í málflutningi hv. þm. að hún talaði um að inni í endurskoðunarnefndinni hefði verið talað um fiskvinnslukvóta. Hv. þm. sagðist sakna þess að hafa ekki séð það í þessum breytingum á lögunum. Þá vil ég spyrja hv. þm., úr því að hún telur okkur í stjórnarandstöðunni svona þröngsýn, hvort þingmaðurinn hafi kynnt sér tillögur Vinstri hreyfingarinnar -- græns framboðs um endurskoðun á sjávarútvegsstefnunni. Þar er einmitt að finna tillögur sem væru þingmanninum að skapi, um möguleika fiskvinnslunnar til að hafa kvóta.
