[prenta uppsett í dálka] 87. fundur, 127. lþ.
Sjávarútvegsráðherra (Árni M. Mathiesen) (andsvar):
Herra forseti. Auðvitað er það rétt hjá hv. þm. að þróunin í byggðamálunum er að mörgu leyti skuggaleg. Hún er hins vegar ekki að öllu leyti breytingum í sjávarútvegi að kenna. Allra síst er hún kvótakerfinu að kenna því að ef eitthvað er hefur kvótakerfið styrkt fjölmargar byggðir. Ég á hins vegar ekki von á að byggðakvótar verði miklu stærri en þeir verða ef þetta frv. verður að lögum. Ég held að það séu einfaldlega takmörk fyrir því til hve mikilla ráðstafana er hægt að grípa á þessum grundvelli.
Vonandi reynist hins vegar úthlutun á þeim kvóta sem hér um ræðir, eða þessara 5.300 tonna, vel til að hjálpa til við aðlögun að breyttum aðstæðum í hinum veikari byggðum.
