Guðjón A. Kristjánsson (andsvar):
Herra forseti. Mér er ljóst að samkvæmt frv. lendir þetta á sveitarstjórnunum. Það sem ég var að velta fyrir mér var hvort sveitarstjórnunum hefðu verið tryggðar tekjur á móti þeim kostnaði sem þær eiga að taka á sig.
Nú átta ég mig ekki nákvæmlega á hversu mikið umfangið er. Vafalaust er það misjafnt eftir landsvæðum og afréttum. Ég er að leita eftir svari við því hvort sveitarstjórnunum séu tryggðar tekjur á móti þessum aukna kostnaði.