Jón Bjarnason:
Herra forseti. Hér er verið að greiða atkvæði um gerð og lagaramma samgönguáætlunar til langs tíma. Það er mikilvægt að í þessum lagaramma sé kveðið skýrt á um að áætlunin skuli unnin á grundvelli stefnumörkunar í umhverfismálum. Því hef ég lagt fram brtt. við frv. sem gerir ráð fyrir að samgönguáætlun skuli vera í samræmi við stefnumörkun stjórnvalda í umhverfismálum, umferðaröryggismálum, byggðamálum og almenningssamgöngum og unnin í samræmi við markmið sjálfbærrar þróunar.
Ég tel afar mikilvægt, herra forseti, að þetta komi inn í frv. til að tryggja að það verði unnið eins og best verður á kosið.