Félagsmálaráðherra (Páll Pétursson) (andsvar):
Herra forseti. Ég ætla ekki hér og nú að kveða upp úr með það að þeir séu endilega vitrari í Kópavogi en í Hafnarfirði. Ég held að þetta séu út af fyrir sig ágætar sveitarstjórnir á báðum stöðum þó að þær velji ekki sömu leiðina.
Hins vegar er líka dálítið þreytandi að ræða þetta einangraða Hafnarfjarðarmál þó að það sé hluti af þessu frv. Mér dettur í hug sagan af íslenska þingmanninum sem réðst á íslenskan forsætisráðherra í útlöndum. Þá sagði norskur sessunautur minn: ,,Han har hatt med seg skittentøyet hjemmefra.``