[prenta uppsett í dálka] 109. fundur, 127. lþ.
Bryndís Hlöðversdóttir (um atkvæðagreiðslu):
Herra forseti. Það frv. sem hér liggur fyrir og snýst um veitingu virkjunarleyfis vegna fyrirhugaðra framkvæmda við álver á Austurlandi nýtur stuðnings meiri hluta þingflokks Samfylkingarinnar, en sá stuðningur er með tilteknum fyrirvörum sem rétt er að gera grein fyrir.
Í fyrsta lagi styðjum við málið í trausti þess að áætlanir um arðsemi framkvæmdarinnar standist.
Í öðru lagi að land norðan Vatnajökuls verði verndað í kjölfar virkjunar með þjóðgarði.
Í þriðja lagi að tryggt sé að þjóðhagsleg áhrif framkvæmdarinnar séu jákvæð þegar og ef út í hana er farið.
Þeir þingmenn Samfylkingarinnar sem hafa lýst yfir andstöðu við framkvæmdina gera það vegna umhverfissjónarmiða. Við virðum þá afstöðu. Að öðru leyti greiðir þingflokkur Samfylkingarinnar atkvæði með frv.
