[prenta uppsett í dálka] 109. fundur, 127. lþ.
Kolbrún Halldórsdóttir:
Virðulegur forseti. Hæstv. iðnrh. og hv. formaður iðnn. hafa klifað á því í þessu máli að Vinstri hreyfingin -- grænt framboð sé á móti því. Það er rétt, herra forseti, en vera kann að Vinstri hreyfingin -- grænt framboð hafi rétt fyrir sér í málinu.
Arðsemi af þessu verkefni er neikvæð ef rétt er reiknað og ég fullyrði að mælistika ríkisstjórnarinnar og Framsfl. í þessu máli sé ónothæf. Verkefnið er ósjálfbært og veldur slíkum skaða á verðmætri náttúru landsins að það getur skaðað ímynd Íslands sem náttúruperlu í norðri til langframa. Ég styð þessa tillögu um að þessu vonda verkefni verði vísað frá.
