[prenta uppsett í dálka] 114. fundur, 127. lþ.
Þuríður Backman (andsvar):
Herra forseti. Ástæðan fyrir því að þetta kemur hér inn í þingið, þ.e. hvernig eigi að haga þessari menntun og eftirliti, er einfaldlega sú að um flokkun og mat á gærum og ull gilda sérstök lög. Það gilda ákveðnar vinnureglur hvað varðar eftirlit, ekki bara á ull heldur kjöti og öllum vörum. Um það eftirlit eiga að gilda reglugerðarákvæði en ekki eingöngu vinnureglur Búnaðarsambandsins eða Bændasamtakanna.
