[prenta uppsett í dálka] 114. fundur, 127. lþ.
Sigríður Ingvarsdóttir (andsvar):
Herra forseti. Mér finnst gæta ákveðins misskilnings í máli hv. þm. Vinstri hreyfingarinnar -- græns framboðs er þeir tala um að verið sé að draga úr hæfnis- og menntunarkröfum matsmanna. Í 5. gr. laganna frá 1990, um lög um flokkun og mat á gærum og ull, segir:
,,Þá eina má skipa eða löggilda sem matsmenn er hafa góða þekkingu á gærum og ull og reynslu á öllu er varðar meðferð vörunnar og mat á þeim.``
Þannig er ekki verið að draga úr neinum hæfniskröfum og kveðið er á um þetta í lögunum. Þess vegna þarf ekki að setja sértækar kröfur um hæfni og menntun matsmanna í reglugerð.
