[prenta uppsett í dálka] 114. fundur, 127. lþ.
Umhverfisráðherra (Siv Friðleifsdóttir) (andsvar):
Virðulegur forseti. Hv. þm. Jón Bjarnason kom hérna inn á skilgreininguna á afskekktri byggð. Þessi skilgreining er tekin beint upp úr tilskipuninni þannig að þetta er ekkert sem við erum að finna upp á. En varðandi þetta orðalag ,,afskekkt byggð`` þá má vel vera að umhvn. finni eitthvert orðalag sem mönnum líkar betur. En þessi skilgreining er tekin beint upp úr tilskipuninni og snýr að því að afskekktir staðir --- hvernig svo menn vilja líta á hvað það þýðir --- sem falla undir þessa skilgreiningu geta sótt um að vöktun verði minni en ella.
