[prenta uppsett í dálka] 114. fundur, 127. lþ.
Ögmundur Jónasson:
Herra forseti. Það er mjög erfitt að átta sig á umboði Finns Ingólfssonar seðlabankastjóra í þessum viðræðum. Hæstv. ráðherra hefur talað um að hann eigi að þreifa, eigi að hafa þreifingar með höndum, þreifa á erlendum fyrirtækjum. En hvar liggur markalínan á milli þreifinga og raunverulegra samningaviðræðna? Það er harla óljóst.
Herra forseti. Það var eitt sem ég gleymdi að nefna í upphafi. Hér er ekki aðeins á ferðinni seðlabankastjóri og fyrrv. ráðherra. Hér er á ferðinni fyrrv. varaformaður Framsfl. Það gerir málið líka ótrúverðugt. Þetta er pólitískt verkefni. Finnur Ingólfsson á að reka þrönga flokkspólitíska hagsmuni Framsfl. í þessu máli. Það er það sem m.a. gerir þetta mál ótrúverðugt.
