[prenta uppsett í dálka] 115. fundur, 127. lþ.
Rannveig Guðmundsdóttir:
Virðulegi forseti. Mál á vettvangi utanrmn. eru í eðli sínu stór mál, og í dag höfum við beðið eftir því að þessar tillögur að ályktunum um alþjóðasamninga kæmust á dagskrá. Á meðan hef ég notað tækifærið og farið yfir þá og ég skil vel að hæstv. utanrrh. þyki ekki ástæða til að nota mikinn tíma í að fara í einhver smáatriði í þessum samningum. Ég lít svo á að þetta séu tillögur sem við munum skoða í utanrmn. og sé heldur ekki ástæðu til að fara í djúpa umræðu um þessa tillögu núna.
Það er þó ein tillaga á dagskrá sem er ástæða til að ræða og sem verður rædd af okkar hálfu, tillagan um aðild að Kyoto-bókuninni en varðandi hina samningana tek ég undir orð hæstv. utanrrh. Við munum skoða þetta í nefndinni.
