Frsm. meiri hluta efh.- og viðskn. (Sigríður A. Þórðardóttir) (andsvar):
Herra forseti. Hv. þm. getur ekki vænst þess að fyrir liggi í minnstu smáatriðum útfærslur á því hvernig þetta verði framkvæmt. Það er algjörlega útilokað. Þegar stofnunin verður lögð niður hljóta menn náttúrlega að þurfa að ganga í gegnum það. Það er ekki hægt að ætlast til þess að hægt sé að svara þeim hlutum í minnstu smáatriðum við 2. umr.
Það sem fyrst og fremst er verið að tala um, t.d. varðandi ASÍ, er að styrkja vinnu þeirra á þessu sviði, vinnu sem þeir hafa sinnt um alllangt skeið. Það hefur komið fram í umræðu um þetta mál.