[prenta uppsett í dálka] 124. fundur, 127. lþ.
Jóhanna Sigurðardóttir:
Herra forseti. Engin fagleg eða hagfræðileg rök hafa komið fram sem mæla með því að Þjóðhagsstofnun verði lögð niður. En eftir þetta munu þjóðhagsspár og greining á efnahagsástandinu lúta pólitísku forræði í fjmrn.
Hér er fyrst og fremst verið að þjóna dyntum oddvita ríkisstjórnarinnar, enda er niðurlagning Þjóðhagsstofnunar aðvörun og mælistika á það hvernig fyrir þeim fer sem ekki ganga í takt við hæstv. forsrh. Hér er líka um mikla sóun á fjármunum að ræða því að útgjöld við breytinguna munu tvöfaldast. Ég segi nei, herra forseti, við þessari vitleysu.
