[prenta uppsett í dálka] 131. fundur, 127. lþ.
Frsm. félmn. (Arnbjörg Sveinsdóttir) (andsvar):
Hæstv. forseti. Þetta er fært til þessa horfs í frv. til að leita samræmis við aðrar greinar og önnur ákvæði þessa frv. þannig að námsmenn teljist ekki í sérflokki hvað þetta varðar. Talið er réttara að hafa þetta til aðeins lengri tíma, að menn séu að koma hér raunverulega til náms en leiti ekki hingað til lands á þeim undir því yfirskini að þeir séu í námi en séu í raun að leita inn á vinnumarkaðinn. Það mundi því teljast, að tólf mánuðum liðnum, að námsmenn séu hér sem slíkir en auðvitað er rétt að veita þeim heimild til að taka þátt í atvinnulífinu eins og frv. gerir ráð fyrir.
