Jóhanna Sigurðardóttir:
Herra forseti. Ríkisstjórnarflokkarnir eru að gera mikil mistök með því að leggja niður Þjóðhagsstofnun. Það styðst hvorki við hagfræðileg né fagleg rök og mun kosta tugi milljóna í aukin útgjöld. Það er því engin skynsemi í þessari leið. Ég mótmæli líka harðlega þeim vinnubrögðum sem viðgengist hafa í öllu þessu máli gagnvart starfsfólkinu. Þau eru ríkisstjórninni til skammar.