Guðjón A. Kristjánsson:
Herra forseti. Fátækt í íslensku þjóðfélagi er staðreynd og virðist ekki fara minnkandi, því miður. Fátæku fólki er vísað á hjálparstofnanir og á ekki í önnur hús að venda. Þeirri vaxandi fátækt sem virðist vera að búa um sig í okkar stéttskipta þjóðfélagi verður að taka á með sameiginlegu átaki ríkisstjórnar og sveitarstjórna. Félagsleg samhjálp verður að ná til þess fólks sem nú er sett til hliðar að þessu leyti.