Anna Kristín Gunnarsdóttir:
Herra forseti. Við stofnsetningu nýrra hitaveitna á strjálbýlum svæðum getur viðmiðunartími endurgreiðslna vegna rafhitunarkostnaðar skipt sköpum um hvort hitaveitan geti nokkurn tíma borið sig eða ekki. Hitaveitur eru alls staðar mikilvægar en kannski hvergi mikilvægari en á svæðum þar sem verið er að byggja upp nýjar atvinnugreinar. Í því sambandi má t.d. nefna Hofsós og nágrenni þar sem er verið að setja upp ferðaiðnað. Ég mun því sitja hjá við atkvæðagreiðslu um 12. gr.