Arnbjörg Sveinsdóttir:
Hæstv. forseti. Frumvarp um aðbúnað, hollustuhætti og öryggi á vinnustöðum, sem hér hefur verið gert að umræðuefni, fjallar um að lögfesta meginreglu vinnutímatilskipunar ráðs Evrópusambandsins um daglegan hvíldartíma og m.a. vinnutíma næturvinnustarfsmanna og rétt þeirra til heilsufarsskoðunar. Á þeim atriðum tekur frv. Og þó svo frv. geri ráð fyrir að hægt verði að semja við aðila um að sjá um heilsuverndina, en ekki að heilsuverndin fari eingöngu fram á heilsugæslustöðvum, þá er séð fullkomlega fyrir því að hægt verði að annast heilsufarsskoðun og heilsuvernd starfsmanna. Um það fjallar frv. og er engin ástæða til annars en að líta svo á að hér sé fullkomlega séð fyrir hag launþega.