Frsm. 1. minni hluta sjútvn. (Jóhann Ársælsson) (um fundarstjórn):
Hæstv. forseti. Við vorum nokkuð langt fram eftir í gærkvöldi eða fram á nóttina svolítið, og mér finnst farið að teygjast úr þessum degi líka. Þessi dagur er líka dálítið sérstakur því að á morgun er 1. maí og ég geri ekki ráð fyrir því að þeir sem stjórna í Alþingi vilji ganga á rétt þeirra sem halda þann dag hátíðlegan. Ég spyr þess vegna hæstv. forseta hvort ekki sé orðið ljóst hve lengi verði haldið áfram í kvöld. Mér finnst ekki ganga að það verði með sama brag og síðustu nótt. Er eitthvert svar að fá við þessum spurningum?
(Forseti (GuðjG): Þessi áminning var óþörf. Forsetar þingsins hafa ákveðið að þessum fundi ljúki þannig að starfsfólk þingsins komist heim áður en þessum sólarhring lýkur.)