Frsm. félmn. (Arnbjörg Sveinsdóttir) (andsvar):
Hæstv. forseti. Ég vildi aðeins taka af allan vafa, það er mjög mikill stuðningur við þetta frv. hjá sveitarfélögunum. Á fund félmn. mættu Þórður Skúlason, framkvæmdastjóri Sambands ísl. sveitarfélaga, Gunnlaugur Júlíusson, deildarstjóri hjá Sambandi ísl. sveitarfélaga, og Halldór Halldórsson, bæjarstjóri Ísafjarðarbæjar. Þeir lögðu mjög mikla áherslu á að þetta frv. yrði að lögum núna vegna þess stuðnings sem kemur í gegnum það til sveitarfélaganna við rekstur á félagslega íbúðakerfinu. Auk þess hefur komið hér fram hversu mikið hagræði þetta er fyrir þá einstaklinga sem vilja losna úr félagslegum eignaríbúðum.