[prenta uppsett í dálka] 137. fundur, 127. lþ.
Pétur H. Blöndal:
Herra forseti. Ríkisábyrgð til eins fyrirtækis í einum mesta áhætturekstri sem til er, lyfjaþróun, sem ekki hefur verið stunduð hér á landi í neinum mæli, gengur þvert á þá stefnu ríkisstjórnarinnar að hverfa frá sértækum aðgerðum og skapa atvinnurekstri almenn skilyrði sem gefið hefur mjög góða raun á liðnum áratug. Þessi ríkisábyrgð gengur líka þvert á þá reglu í fjárfestingum að menn eigi að gera það sem þeir kunna best og að áhætturekstur eigi að fjármagna með áhættufé. Vegna skorts á upplýsingum um áhættudreifingu og gjaldtökulíkur hef ég reynt að meta hreint huglægt þá áhættu sem hér er um að ræða og met hana ekki undir 60% að þessi ríkisábyrgð falli til. En ég vona vegna þjóðarinnar og starfsmanna þessa fyrirtækis að ekki komi til þess, enda væri það skellur fyrir hverja fjögurra manna fjölskyldu í landinu upp á 277 þús. kr.
Ég vara eindregið við samþykkt þessa frv. og segi nei, herra forseti.
