Vilhjálmur Egilsson:
Virðulegi forseti. Ég segi já við þessu frv. Ég tel að með því sé verið að vinna að því að byggja upp nýja starfsemi á þessu sviði á Íslandi, byggja upp klasa af þekkingu, gera það að verkum að margt fólk geti haslað sér völl í nýrri atvinnugrein, fólk sem vinnur í hálaunastörfum. Það er eftir miklu að slægjast fyrir land og þjóð. Vissulega er verið að taka áhættu en ég tel að hún sé ásættanleg. Þess vegna segi ég já.