Árni Steinar Jóhannsson:
Virðulegi forseti. Við erum öll sammála um það á hinu háa Alþingi að ástandið í byggðamálum sé eitt erfiðasta þjóðfélagsvandamál á Íslandi en það segir sína sögu að stefna í byggðamálum, síðari umr., fór fram á hinu háa Alþingi á örskömmum tíma síðustu nótt. Þetta eru algjörlega óásættanleg vinnubrögð. Margar hugmyndir í tillögunni eru góðar en þetta er allt saman óunnið, bæði í nefnd og hér á hinu háa Alþingi. Þess vegna munum við í Vinstri hreyfingunni -- grænu framboði láta stjórnarmeirihlutann bera ábyrgð á þessari tillögu og við munum sitja hjá.