Árni Steinar Jóhannsson:
Virðulegi forseti. Hér eru á ferðinni tilburðir til miðstýringar. Það er andstætt nútímahugsunarhætti í umhverfismálum að efna til miðstýrðra stofnana. Þetta er andstætt byggðastefnu og í grunninn hefur hæstv. ríkisstjórn nálgast þetta mál á skökkum forsendum. Í stað valddreifingar og þess að virkja einstaklinga og sveitarfélög er farið í miðstýrt apparat héðan frá höfuðborginni. Ég get ekki sætt mig við það og segi nei.