Þuríður Backman:
Herra forseti. Þessi brtt. á þskj. 1438 er svohljóðandi:
,,Þrátt fyrir ákvæði 2. mgr. 38. gr. laganna skal takmörkunum á frjálsu framsali greiðslumarks ekki aflétt fyrr en endurskoðun sauðfjársamningsins er lokið og farið hefur fram úttekt á uppkaupum greiðslumarks með tilliti til dreifingar og búsetuskilyrða sauðfjárbænda.``
Þingmenn Vinstri hreyfingarinnar -- græns framboðs telja að koma megi á framsali greiðslumarks milli bænda en rétt sé að skoða vel hvaða áhrif frjálst framsal getur haft á svæðisbundin búsetuskilyrði. Því þurfi að koma á framsalsreglum sem styrki svæðisbundna búsetu ekki síður en afkomu einstakra sauðfjárbænda.