Forseti (Halldór Blöndal):
Um fyrirkomulag umræðunnar er samkomulag milli þingflokka. Umræðan skiptist í þrjár umferðir og mun standa í um það bil tvær klukkustundir. Í fyrstu umferð hefur ráðherra fimmtán mínútur og talsmenn flokkanna tíu. Í annarri umferð hafa þingmenn og ráðherrar fjórar mínútur hver til umráða og í þriðju og síðustu umferð hafa talsmenn flokkanna tvær mínútur hver og ráðherra fimm mínútur.