Heilbrigðisráðherra (Jón Kristjánsson) (andsvar):
Herra forseti. Hv. 5. þm. Reykv. beindi til mín fyrirspurnum um bætur almannatrygginga. Ég vildi koma á framfæri skýringum á prósentutölum í frv. sem varða þær bætur. Þær hækka um rúm 7% í upphafi ársins 2002 og hækkuðu síðast um 4% í upphafi þessa árs, eða um 11,6% á tveimur árum. Verðlagið er miðað við síðustu spá Seðlabanka Íslands um hækkun neysluverðsvísitölu. Þar er gert ráð fyrir að verðbólga milli áranna 2000 og 2001 verði 6,4%, en frá 2001--2002 verði hún tæp 5% miðað við þessa spá. Þetta eru forsendurnar fyrir útreikningunum í frv. og á þeim voru fjárlög þessa árs byggð.