[prenta uppsett í dálka] 9. fundur, 127. lþ.
Jón Bjarnason (andsvar):
Herra forseti. Ég harma að hæstv. fjmrh. skuli ekki hafa getað komið með gagnmerkari og ítarlegri svör um hvað líði vinnu við að taka á málinu heildstætt á landsvísu hvað varðar vandamál félagslega íbúðakerfisins. Þetta mál hefur verið í stöðugri vinnslu nú í nokkur ár og virðist enn í því ferli að þetta sé áfram í skoðun. Enn þá er verið að leita að eignum hjá sveitarfélögunum. Sveitarfélögin á Vestfjörðum eru þvinguð beint eða óbeint til að láta andvirði eigna sinna upp í þessar skuldir og meira að segja eru þau þá látin setja hluta af andvirðinu inn á biðreikning uns sér fyrir endann á endurskoðuninni.
Herra forseti. Ég harma að hæstv. fjmrh. skuli ekki geta komið með betri svör um hvernig á þessum málum verði tekið á landsvísu. Ég harma það.
