Halldór Blöndal (andsvar):
Herra forseti. Að gefnu tilefni vil ég taka fram að ég vissi ekki betur en að í þessu fjáraukalagfrv. yrði heimildargrein þar sem gert væri ráð fyrir því að andvirði Skólabrúar 2 mundi renna til framkvæmda á vegum Alþingis. Ég vil taka fram að þessu leyti og líka vegna ummæla hv. þm. að það kom í ljós í sambandi við þær byggingarframkvæmdir sem voru við Austurstræti að ekki var hægt að treysta verklegu og fjármálalegu eftirliti Framkvæmdasýslu ríkisins og af þeim sökum hefur Alþingi tekið það í sínar hendur í sambandi við þá skálabyggingu sem hér er verið að reisa við Kirkjustræti.