Samgönguráðherra (Sturla Böðvarsson) (andsvar):
Herra forseti. Það segir hér í 1. gr.:
,,Jöfnunargjald samkvæmt lögum þessum skal nema 0,12% af bókfærðri veltu ...``
Það er því fastbundið í 1. gr. frv. hver upphæðin á að vera. Þetta skal raunar endurskoða árlega á Póst- og fjarskiptastofnun. Það er alveg ljóst eins og segir hér, með leyfi forseta, að:
,,Verði útgjöld meiri en nemur jöfnunargjöldum á árinu skal gjaldfæra þann mismun á skuldbindingar næsta árs.``
Það millifærist því eins og hér er gert ráð fyrir. En upphæðin er ákvörðuð, þ.e. skatthlutfallið er ákvarðað eins og er um aðra skattlagningu almennt.