Forseti (Ísólfur Gylfi Pálmason):
Borist hafa bréf, svohljóðandi:
,,Þar sem ég verð erlendis í opinberum erindum næstu daga og mun síðar af heilsufarsástæðum verða fjarverandi leyfi ég mér með vísan til 2. mgr. 53. gr. þingskapa að óska þess að 2. varaþm. Vinstri hreyfingarinnar -- græns framboðs í Austurl., Gunnar Pálsson bóndi, taki sæti á Alþingi í fjarveru minni og forföllum 1. varaþm.
Þetta er yður hér með tilkynnt, herra forseti.
Þuríður Backman, 5. þm. Austurl.``
Annað bréf hljóðar svo:
,,Vegna sérstakra anna get ég ekki tekið sæti Þuríðar Backman, 5. þm. Austurl., á Alþingi að þessu sinni.
Þetta er yður hér með tilkynnt, herra forseti.
Gunnar Ólafsson,
1. varaþm. Vinstri hreyfingarinnar -- græns framboðs í Austurl.``
Að ósk forseta hefur landskjörstjórn komið saman og gefið út kjörbréf handa Gunnari Pálssyni sem er 2. varamaður á lista Vinstri hreyfingarinnar -- græns framboðs í Austurl.
Kjörbréfanefnd hélt fund áður en þingfundur hófst til þess að fjalla um kjörbréfið.