Kolbrún Halldórsdóttir (andsvar):
Nei, herra forseti. Ég tel það ekki til hagsbóta. Ég hef eytt tveimur 15 mínútna ræðum í það í dag að útskýra hvers vegna, svo að ég geri það ekki frekar. En ég tel það ekki til hagsbóta fyrir Íslendinga að hafa samið á þessum nótum vegna þess að ég tel það ekki vera til hagsbóta fyrir lífríki okkar, fyrir náttúru okkar, fyrir sjónarmið okkar og fyrir framtíðarsýn okkar að hlaða hér niður álverum í tugatali. Ég tel það ekki til hagsbóta fyrir okkur.