[prenta uppsett í dálka] 31. fundur, 127. lþ.
Kolbrún Halldórsdóttir (andsvar):
Herra forseti. Ég stenst ekki freistinguna að blanda mér örlítið svona í lokin í andsvar hv. þm. Jóhanns Ársælssonar við hæstv. umhvrh. áðan.
Það er varðandi þessa hótun Íslendinga sem var auðvitað ekkert gleðiefni. Ég man til þess að hafa hlustað á fréttaviðtal við hæstv. umhvrh. þar sem hún var spurð hvað Íslendingar mundu gera ef krafa þeirra um hið íslenska ákvæði næðist ekki fram. Hæstv. ráðherra svaraði á þá lund að þá væri athugandi hvort við mundum nokkuð undirrita bókunina. Íslendingar hafa því hótað þessu og verið allt of oft eins og óþekkur krakki. Og m.a. vegna þeirrar framgöngu á vettvangi þessa samnings geta hv. þingmenn stjórnarandstöðunnar auðvitað ekki hrósað hæstv. umhvrh. fyrir framgönguna.
