Guðjón A. Kristjánsson:
Herra forseti. Nú hefur það verið svo í fjöldamörg ár að ársafli af steinbít hefur rokkað á bilinu 12--15 þús. tonn. Einhver ár hefur hann komist upp í 17 þús. tonn. Þetta hefur gerst bæði innan og utan kvótakerfisins því að tegundin hefur hoppað inn og út úr kvótakerfinu. Hún var inni í kvótakerfinu til 1985, fór út aftur, fór síðan aftur inn í kvótakerfið 1996 og ráðherrann bar gæfu til þess að kippa henni út úr kvóta í örfáa daga í sumar.
Þess vegna spyr ég: Hvers vegna er þessari tegund ekki stýrt með svæðatakmörkun og verndun hrygningarsvæða í samræmi við það sem ráðherrann hefur sjálfur sagt?