[prenta uppsett í dálka] 40. fundur, 127. lþ.
Ögmundur Jónasson (andsvar):
Herra forseti. Evrópusambandið byggir á því að markaðsvæða Evrópu innan eins ríkis. Þessi hugsun var sett fram á eftirminnilegan hátt fyrst af Winston Churchill í frægri ræðu í Zürich að lokinni heimsstyrjöldinni síðari.
Þessi markaðssáttmáli byggir á því að fjármagn, vinnuafl, vara og þjónusta skuli flæða frjálst um. En þessu frelsi eru takmörk sett. Og í vaxandi mæli lokar Evrópusambandið sig af gagnvart umheiminum, gagnvart vaxandi mörkuðum í Japan, Kína, Kóreu, í gervallri Asíu, Suður-Ameríku, Mexíkó, Kanada. Evrópusambandið lokar sig af.
Við höfum gagnrýnt þessa einangrunarhyggju sem felst í því að binda trúss sitt í of ríkum mæli við Evrópusambandið. Og við bendum einnig á hitt að það er ekki aðeins einangrunarhyggja sem fylgir aðild að Evrópusambandinu heldur setur þessi aðild okkur lýðræðislegar skorður, þrengir að lýðræðinu. Það sanna ótal dæmi sem ég nefni í síðara andsvari mínu.
