[prenta uppsett í dálka] 40. fundur, 127. lþ.
Ögmundur Jónasson (andsvar):
Ég er hér með í höndum yfirlýsingu formanns öryggisráðsins, Írans Ryes, þar sem hann greinir frá umræddum fundi sem haldinn var 8. okt. í öryggisráðinu.
Hann segir, með leyfi forseta, ég les hér eina setningu á ensku:
(Forseti (GuðjG): Það er ætlast til að það sé töluð íslenska í ræðustól. Hv. þm. verður að snara þessu yfir á íslensku.)
Það skal ég gera þegar ég hef lesið hana á ensku, með leyfi forseta:
,,The members of the Security Council took note of the letter ... ``
(Forseti (GuðjG): Forseti ætlast til þess að það sé farið að tilmælum hans og ekki farið með erlent mál hér í ræðustólnum. Þær reglur gilda hér á Alþingi.)
Já, en ég vil taka fram, hæstv. forseti, að margoft áður hefur verið vitnað í erlend mál þegar menn telja mikilvægt að hafa nákvæman málflutning, en ég verð að sjálfsögðu við þessari ósk forseta. En hér í yfirlýsingu Ryes kemur fram að öryggisráðið hafi lesið eða heyrt bréf fulltrúa Bandaríkjastjórnar og Breta til ráðsins þar sem þeir hafi skýrt á hvaða forsendum árásirnar séu gerðar.
Síðan er vitnað í samþykkt öryggisráðsins sem byggir ekki á þessu.
