Jón Bjarnason:
Herra forseti. Hér er verið að leggja til nauðsynlegar fjárveitingar til margra merkra stofnana og verka, til Ríkisútvarpsins, til Landbúnaðarháskólans á Hvanneyri, til Hólaskóla, til Garðyrkjuskólans, til Skógræktar ríkisins, til Kirkjumálasjóðs, í kirkjugarðsgjöld, í sóknargjöld, til Jöfnunarsjóðs sókna, til Skálatúnsheimilisins, í fæðingarorlof, til Tryggingastofnunar ríkisins, til Fjórðungssjúkrahússins á Akureyri og Orkusjóðs.
Þetta eru allt góðar tillögur í sjálfu sér og nauðsynlegt er að þessir fjármunir komi þarna. Þeir mættu sjálfsagt vera meiri. En þetta er hluti af heildarafgreiðslunni hér á vegum meiri hlutans og Alþingis. Þó að þarna séu góð mál á ferðinni þá sitjum við hjá við þessa atkvæðagreiðslu en lýsum ánægju yfir mörgum þeirra liða þar sem bætt er um betur.